DEEPAVALI ASTHANAM AT SRIVARI TEMPLE ON NOVEMBER 14 _ తిరుమ‌ల శ్రీవారి ఆలయంలో శాస్త్రోక్తంగా దీపావళి ఆస్థానం

Tirumala, 14 Nov. 20: Deepavali Asthanam has been observed with religious fervour in Sri Venkateswara Swamy temple at Tirumala on Saturday.

This annual event was held at the Ghanta Mandapam located in front of Bangaru Vakili between 7am and 9am. Sri Malayappa along with His consorts Sridevi and Bhudevi accompanied by Senadhipati Sri Viswaksena facing Garudalwar. After Asthanam, special Naivedyam and Harati rendered to deities.

TTD has cancelled the Kalyanotsavam, Unjal seva and Arjita Brahmotsavam in view of Deepavali Asthanam celebrations in the temple on Saturday.

Speaking on this occasion, Chairman Sri YV Subba Reddy said he prayed Lord to weed off the enemies who are creating tensions at the border and demolish Covid virus and bestow blessings on people of the country as well across the globe.

EO Dr KS Jawahar Reddy, MP Sri V Prabhakar Reddy, Ex officio member Dr C Bhaskar Reddy, Members Smt Prasanthi Reddy,  Dr M Nischita, Additional EO Sri AV Dharma Reddy, CVSO Sri Gopinath Jatti, Temple DyEO Sri Harindranath were also present.

ISSUED BY THE PUBLIC RELATION OFFICER, TTDs TIRUPATI

తిరుమ‌ల శ్రీవారి ఆలయంలో శాస్త్రోక్తంగా దీపావళి ఆస్థానం
న‌వంబ‌రు 14, తిరుమల, 2020: తిరుమల శ్రీవారి ఆలయంలో శనివారం ఉదయం దీపావళి ఆస్థానం శాస్త్రోక్తంగా జరిగింది. ఆలయ అర్చకులు, తిరుమల జీయంగార్లు, టిటిడి ఉన్నతాధికారుల సమక్షంలో ఆగమోక్తంగా ఆస్థాన వేడుకను బంగారువాకిలి చెంత నిర్వహించారు.
శ్రీ మలయప్పస్వామి, అమ్మవార్ల, విష్వక్సేనుల వారి ఉత్సవ మూర్తులను గరుడాళ్వారు సన్నిధిలో అభిముఖంగా ఉంచి ఆస్థానం నిర్వహించారు. స్వామి ,అమ్మవార్లకు ప్రత్యేక పూజలు నిర్వహించి కర్పార మంగళహారతులు సమర్పించి ప్రసాద నివేదనలు అర్చకస్వాములు ఆగమోక్తంగా నిర్వహించారు.
నూతన పట్టు వస్త్ర సమర్పణను మూలవిరాట్టు మరియు దేవతా ఉత్సవమూర్తులకు ధరింపజేసి రూపాయి హారతి, ప్రత్యేక హారతులను నివేదించారు. దీనితో దీపావళి ఆస్థానం పూర్తిఅయినది.అనంతరం తీర్థ, శఠారి మర్యాదలతో ఆలయ అధికారులను అర్చకులు ఆశీర్వదించారు.
ఈ ఆస్థానంలో  శ్రీ‌శ్రీ‌శ్రీ పెద్ద‌జీయంగార్‌, శ్రీ‌శ్రీ‌శ్రీ చిన్నజీయంగార్‌, టీటీడీ ఛైర్మన్ శ్రీ వై.వి.సుబ్బా రెడ్డి, ఈవో డాక్టర్ కె.ఎస్.జవహర్ రెడ్డి, పార్లమెంటు సభ్యులు శ్రీ వేమిరెడ్డి ప్రభాకర్ రెడ్డి, అదనపు ఈవో శ్రీ ధర్మా రెడ్డి, బోర్డు సభ్యులు శ్రీ చెవిరెడ్డి భాస్కర్ రెడ్డి, శ్రీమతి ప్రశాంతి రెడ్డి, డా.నిశ్చిత, సివిఎస్వో శ్రీ గోపీనాథ్ జెట్టి, అర్బన్ ఎస్పీ శ్రీ రమేష్ రెడ్డి ఇత‌ర అధికారులు పాల్గొన్నారు.
ప్రపంచాన్ని భాధిస్తున్న కరోనా వ్యాధిని సంహరించాలని శ్రీవారిన‌ ప్రార్థించాను – టీటీడీ చైర్మన్ శ్రీ వైవి సుబ్బారెడ్డి
దేశ సరిహద్దుల్లో భారత సైనికుల ప్రాణాలు తీస్తున్న శత్రువులను, ప్రపంచాన్ని భాధిస్తున్న కరోనా వ్యాధిని సంహరించాలని శ్రీ వేంకటేశ్వర స్వామిని, అమ్మవారిని ప్రార్థించానని టీటీడీ చైర్మన్ శ్రీ వైవి సుబ్బారెడ్డి తెలిపారు. శనివారం శ్రీవారి ఆలయంలో నిర్వహించిన దీపావళి ఆస్థానంలో చైర్మన్ దంపతులు పాల్గొన్నారు. అనంతరం ఆలయం వెలుపల చైర్మన్ తనని కలిసిన మీడియాతో మాట్లాడారు.
దేశ రక్షణకు సరిహద్దుల్లో మన సైనికులు చేస్తున్న వీరోచిత పోరాటం అభినందనీయమన్నారు.  కరోనా నుంచి ప్రపంచాన్ని స్వామి వారు తప్పకుండా కాపాడతారని ఆయన విశ్వాసం వ్యక్తం చేశారు. ప్రతి యేటా లాగే ఈ సారి కూడా శ్రీవారి ఆలయంలో దీపావళి ఆస్థానం శాస్త్ర బద్దంగా నిర్వహించామని చైర్మన్ తెలిపారు.
తెలుగు ప్రజలకు  శ్రీ వైవి సుబ్బారెడ్డి దీపావళి శుభాకాంక్షలు.తెలిపారు. ఈ దీపావళి తెలుగు ప్రజలందరి ఇళ్లలో ఆనంద దీపాలు వెలిగించాలని  ఆకాంక్షించారు. శ్రీ వేంకటేశ్వర స్వామి అనుగ్రహం తో ప్రజలందరికీ సంపూర్ణ ఆరోగ్యం, ఆనందం లభించాలని ఆయన కోరారు.  నరకాసురుని సత్యభామ వధించినట్లు గానే కరోనాను అంతం చేయగలిగేంత శక్తి శ్రీ వేంకటేశ్వర స్వామి వారు, అమ్మవారు ప్రజలందరికీ ప్రసాదించాలని శ్రీ సుబ్బారెడ్డి కోరారు.
తి.తి.దే ప్రజాసంబంధాల అధికారిచే జారీ చేయబడినది.