SANATANA DHARMA SHOULD REACH THE GRASS ROOT LEVEL-JEO_ రాష్ట్ర వ్యాప్తంగా మరింత విస్తృతంగా సనాతన ధర్మ ప్రచారం టిటిడి తిరుపతి జెఈవో శ్రీ బి.లక్ష్మీకాంతం
By TTD News On 25 Apr, 2019 At 06:49 PM | Categorized As General News

Tirupati, 25 Apr. 19: The basic tenets of Hindu Sanatana Dharma should reach the grass root level, said Tirupati JEO Sri B Lakshmikantham.

Speaking to concerned officials in his chambers he said, the Hindu Dharma Prachara programmes should be conducted in all the Gram Panchayats once in every six months. “Identify the dedicated Dharma Pracharakas in all villages panchayats to strengthen dharmic activities. Also improve the HDPP Website and make it more attractive.

The JEO said, the international Organisation for Standardization (ISO) team will visit SV Ayurvedic college and other TTD educational institutions on May 4 and hence asked the concerned officials to be prepared. He also said the Garuda Statue at Alipiri should be made more attractive with advanced electrification. Fire fighting mechanism should be enabled in all the TTD kalyana mandapams located across the country, he added.

ISSUED BY THE PUBLIC RELATIONS OFFICER TTDs, TIRUPATI

రాష్ట్ర వ్యాప్తంగా మరింత విస్తృతంగా సనాతన ధర్మ ప్రచారం టిటిడి తిరుపతి జెఈవో శ్రీ బి.లక్ష్మీకాంతం

తిరుపతి, 2019 ఏప్రిల్‌ 25: భారతీయ సనాతన ధర్మాన్ని రాష్ట్ర వ్యాప్తంగా ఉన్న అన్ని గ్రామ పంచాయతీలలో మరింత విస్తృతంగా ప్రచారం చేసేందుకు కార్యాచరణ సిద్ధం చేయాలని టిటిడి తిరుపతి జెఈవో శ్రీ బి.లక్ష్మీకాంతం అధికారులను ఆదేశించారు. తిరుపతిలోని టిటిడి పరిపాలన భవనంలోని జెఈవో కార్యాలయంలో గురువారం ఆయన అధికారులతో సమీక్ష నిర్వహించారు.

ఈ సందర్భంగా జెఈవో మాట్లాడుతూ రాబోవు 6 నెలలో ప్రతి గ్రామ పంచాయతీలో టిటిడి హిందూ ధర్మ ప్రచార పరిషత్‌ కార్యక్రమాలు నిర్వహించాలన్నారు. ఇందులొ భాగంగా ప్రతి గ్రామంలో అంకిత భావం, ఆధ్యాత్మిక చింతన ఉన్న ప్రచారకులను గుర్తించాలన్నారు. టిటిడి, ఎస్వీబీసి, హెచ్‌డిపిపి వెబ్‌సైట్లను మరింత ఆకర్షణీయంగా తీర్చిదిద్ధాలన్నారు.ఇందులో భక్తులకు అవసరమైన సమాచారం, కార్యక్రమాల వివరాలను రూపొందించి పూర్తి స్థాయిలో అందుబాటులో ఉంచాలని అధికారులను ఆదేశించారు. హెచ్‌డిపిపి వెబ్‌సైట్‌ను లక్షలాది మంది వీక్షించేలా చర్యలు చేపట్టాలన్నారు.

శ్రీ వేంకటేశ్వర భక్తి ఛానల్‌లో స్త్రోత్రాలు, వ్రతాలు, పండుగలు – వాటి ప్రాముఖ్యత, పండుగలు జరుపుకొను విధి-విదానాలు, తదితర అంశాలతో డాక్యుమెంటరీ రూపొందించి ప్రసారం చేయాలన్నారు. తద్వారా భక్తులు సులభంగా పండుగలను జరుపుకుంటారని తెలిపారు.ఎస్వీబీసి స్టూడియో నిర్మాణ పనులను త్వరిత గతిన పూర్తి చేయాలని ఇంజినీరింగ్‌ అధికారులను ఆదేశించారు.

తిరుచానూరు శ్రీ పద్మావతి అమ్మవారి ఆలయం చెంత ఉన్న ఆస్థాన మండపంలోని సెల్లార్‌లోని పాత అన్నప్రసాద భవనంలో భక్తులకు అవసరమైన లగేజి, పాదరక్షలు, సెల్‌ఫోన్‌ కౌంటర్లు, స్కానింగ్‌ సెంటర్లు, వేచి ఉండే గదులు, మరుగుదొడ్ల వసతి, టికెట్‌ కౌంటర్‌, ఎలక్ట్రికల్‌, ఇతర ఇంజినీరింగ్‌ పనులు పూర్తి చేయాలని ఆదేశించారు. ఫ్రైడే గార్డెన్స్‌లో ఆలయ స్థలపురాణం, అమ్మవారి పుట్టుక, శ్రీ పద్మావతి పరిణయం, శ్రీనివాసుడి కల్యాణంను తెలిపేలా రూపొందిస్తున్న ఆగ్‌మెంటేషన్‌ రియాలటీ టెక్నాలజీ షో పనులను వేగంగా పూర్తిచేయాలన్నారు. తిరుచానూరులోని శ్రీ పద్మావతి నిలయం వద్ద మరింత పచ్చదనం పెంపొందించాలన్నారు. తిరుపతిలోని శ్రీ గోవిందరాజస్వామివారి ఆలయంలో అద్దాల మహాల్‌ పనులను వేగవంతంగా పూర్తి చేయాలన్నారు.

టిటిడి విద్యాసంస్థల వసతి గదులు, టిటిడి ఉద్యోగుల క్వార్టర్స్‌లలో మరమత్తు పనులను త్వరిత గతిన పూర్తి చేయాలన్నారు. టిటిడి వసతి సమూదాయాలలో భక్తుల రాక పోక సమయాలను అధికారులు ఎప్పటికప్పుడు తనిఖీలు నిర్వహించాలని సూచించారు.

మే 4వ తేదీన టిటిడి విద్యాసంస్థలను, ఎస్వీ ఆయుర్వేద కళాశాలను పరిశీలించేందుకు ఐఎస్‌వో బృందం వస్తుందని, సంస్థల పురోగతికి వారి సూచనలకు అనుగుణంగా తీర్చిదిద్ధాలన్నారు. దేశవ్యాప్తంగా ఉన్న టిటిడి కల్యాణ మండపాలలో అగ్నిప్రమాద నివారణ పరికరాలను ఏర్పాటు చేయాలన్నారు. అలిపిరి వద్ద ఉన్న గరుడ విగ్రహం వద్ద మరింత ఆకర్షణీయంగా విద్యుత్‌ అలంకరణలు చేపట్టాలన్నారు.

ఈ కార్యక్రమంలో శ్వేతా డైరెక్టర్‌ శ్రీ ముక్తేశ్వరరావు, టిటిడి సిఇ శ్రీ చంద్రశేఖర్‌రెడ్డి, ఎస్‌ఇలు శ్రీ రమేష్‌రెడ్డి, శ్రీ రాములు, శ్రీ వెంకటేశ్వర్లు, ఇతర అదికారులు పాల్గొన్నారు.

తి.తి.దే ప్రజాసంబంధాల అధికారిచే విడుదల చేయడమైనది.

 
 Copyright © 2013 Tirumala Tirupati Devasthanams All Rights Reserved.  Designed by O/o.EDP Manager, TTD, Tirupati.
0am ` az v