ANIVARA ASTHANAM OBSERVED IN ALL LOCAL TEMPLES _ టీటీడీ స్థానికాల‌యాల్లో శాస్త్రోక్తంగా ఆణివార ఆస్థానం
TIRUPATI, 17 JULY 2023: The temple budget fete of Anivara Asthanam was observed on Monday in all local temples in Tirupati.
The TTD-run local temples of Sri Govindaraja Swamy, Sri Kodandarama Swamy(KRT), Sri Lakshmi Narayana Swamy temple at Alipiri observed this annual fete.
In KRT, Hanumantha Vahanam was observed after 7pm.
Both the Senior and Junior pontiffs of Tirumala, DyEOs of concerned temples were also present.
ISSUED BY TTD PUBLIC RELATIONS OFFICER, TIRUPATI
టీటీడీ స్థానికాల‌యాల్లో శాస్త్రోక్తంగా ఆణివార ఆస్థానం
తిరుపతి, 2022 జూలై 17: తిరుపతి శ్రీ గోవింద రాజస్వామి ఆలయం, శ్రీ కోదండరామాలయం, శ్రీలక్ష్మి నారాయణ స్వామి ఆలయంలో సోమవారం సాయంత్రం ఆణివార ఆస్థానం శాస్త్రోక్తంగా జరిగింది.
ఆణిమాసం చివరి రోజున నిర్వహించే కొలువు కావడంతో దీనికి ఆణివార ఆస్థానం అని పేరు. పూర్వం మహంతులు దేవస్థాన పరిపాలనను స్వీకరించిన రోజు అయిన ఈ ఆణివార ఆస్థానం నాటి నుండి టీటీడీ ఆదాయ వ్యయాలు, నిల్వలు, వార్షిక లెక్కలు ప్రారంభమయ్యేవి. టీటీడీ ధర్మకర్తల మండలి ఏర్పడిన తరువాత వార్షిక బడ్జెట్‌ను మార్చి – ఏప్రిల్‌ నెలలకు మార్చారు.
శ్రీ గోవింద‌రాజ‌స్వామివారి ఆలయం
శ్రీ గోవింద‌రాజ‌స్వామివారి ఆలయంలోని బంగారు వాకిలి వ‌ద్ద శ్రీ‌దేవి, భూదేవి సమేత శ్రీ గోవింద‌రాజ‌స్వామివారిని వేంచేపు చేసి సాయంత్రం 5.30 నుండి రాత్రి 7 గంట‌ల వ‌ర‌కు ఆస్థానం నిర్వహించారు.
ఈ సంద‌ర్భంగా శ్రీ పుండ‌రీక వ‌ల్లి అమ్మ‌వారి ఆలయం నుండి నూత‌న వ‌స్త్రాల‌ను విమాన ప్ర‌ద‌క్ష‌ణ‌గా తీసుకువ‌చ్చి శ్రీ గోవింద‌రాజ‌స్వామివారికి స‌మ‌ర్పించారు.
ఈ కార్యక్రమంలో శ్రీశ్రీశ్రీ పెద్దజీయర్‌ స్వామి, శ్రీశ్రీశ్రీ చిన్నజీయర్‌ స్వామి, ఆలయ ప్రధాన అర్చకులు శ్రీ ఏపీ శ్రీనివాస దీక్షితులు, డెప్యూటీ ఈవో శ్రీమతి శాంతి, ఏఈవో శ్రీ ర‌వికుమార్ రెడ్డి, సూపరింటెండెంట్ శ్రీ నారాయణ, టెంపుల్‌ ఇన్‌స్పెక్టర్ శ్రీ రాధాకృష్ణ, పాల్గొన్నారు.
శ్రీ కోదండరామాలయంలో
శ్రీ కోదండరామాలయంలో సోమవారం సాయంత్రం ఆలయంలోని గరుడాళ్వార్‌ ఎదురుగా శ్రీ సీతా లక్ష్మణ సమేత కోదండరాములవారి ఉత్సవమూర్తులను వేంచేపు చేసి ప్రత్యేకంగా ఆస్థానం నిర్వహించారు.
అనంతరం స్వామివారు హనుమంత వాహనంపై ఆలయ నాలుగు మాడవీధుల్లో విహరించి భక్తులను కటాక్షించారు.
ఈ కార్యక్రమంలో శ్రీశ్రీశ్రీ పెద్దజీయర్‌ స్వామి, శ్రీశ్రీశ్రీ చిన్నజీయర్‌ స్వామి, ఆలయ డెప్యూటీ ఈవో శ్రీమతి నాగ‌ర‌త్న, ఆలయ ప్రధాన అర్చకులు శ్రీ ఆనంద్‌కుమార్ దీక్షితులు, సూపరింటెండెంట్ శ్రీ రమేష్‌ పాల్గొన్నారు.
అలిపిరి శ్రీ లక్ష్మీ నారాయణ స్వామి ఆలయంలో
అలిపిరి పాదాల మండపం శ్రీ లక్ష్మీ నారాయణ స్వామి ఆలయంలో సోమవారం ఆదివారం ఆస్థానం నిర్వహించారు.
టీటీడీ ప్రజాసంబంధాల అధికారిచే విడుదల చేయబడినది.