మార్చి 1 నుండి ”శుభప్రదం” దరఖాస్తుల స్వీకరణ 

తిరుపతి, ఫిబ్రవరి 28, 2013:  తితిదే హిందూ ధర్మప్రచార పరిషత్‌ ఆధ్వర్యంలో ”శుభప్రదం” పేరిట మే నెలలో నిర్వహించనున్న వేసవి శిక్షణ తరగతులకు మార్చి 1వ తేదీ నుండి దరఖాస్తులను స్వీకరించనున్నారు. పదో తరగతి, ఇంటర్‌ మొదటి సంవత్సరం పరీక్షలు రాసిన విద్యార్థులు ఈ శిక్షణ తరగతుల్లో పాల్గొనేందుకు అర్హులు. రాష్ట్రవ్యాప్తంగా గల అన్ని జిల్లా కేంద్రాల్లోని తితిదే కల్యాణమండపాల్లో ఉచితంగా దరఖాస్తులు లభిస్తాయి. పూర్తి చేసిన దరఖాస్తులను మార్చి 31వ తేదీలోపు ఆయా జిల్లా కేంద్రాల్లోని తితిదే కల్యాణ మండపాల్లో అందజేయాల్సి ఉంటుంది.