SOMASKANDA RIDES VYAGHRA _ వ్యాఘ్ర వాహనంపై సోమస్కందమూర్తి
TIRUPATI, 24 FEBRUARY 2025: The ongoing annual Brahmotsavams at Sri Kapileswara Swamy temple witnessed Sri Somaskanda Murty riding Vyaghra Vahanam. The deity paraded along the streets to bless His devotees atop this fierceful Tiger carrier.
Later, the archakas performed Snapana Tirumanjanam to Sri Somaskanda and Sri Kamakshi Devi.
Temple DyEO Sri Devendra Babu and others were present.
ISSUED BY THE TTD CHIEF PUBLIC RELATIONS OFFICER, TIRUPATI
వ్యాఘ్ర వాహనంపై సోమస్కందమూర్తి
తిరుపతి, 2025 ఫిబ్ర‌వ‌రి 24: తిరుపతి శ్రీ కపిలేశ్వరస్వామివారి బ్రహ్మోత్సవాల్లో ఆరో రోజైన సోమ‌వారం ఉదయం 7 గంట‌ల‌కు శ్రీ సోమస్కందమూర్తి వ్యాఘ్ర వాహనంపై భ‌క్తుల‌ను అనుగ్రహించారు.
భజనమండళ్ల కోలాటాలు, భజనలు, మంగళవాయిద్యాల నడుమ పురవీధుల్లో వాహనసేవ కోలాహలంగా జరిగింది. వాహనసేవ ఆలయం నుండి మొదలై కపిలతీర్థం రోడ్‌, అన్నారావు సర్కిల్‌, వినాయక నగర్‌ క్వార్టర్స్‌, హరేరామ హరేకృష్ణ గుడి, ఎన్‌జిఓ కాలనీ, అలిపిరి బైపాస్‌ రోడ్‌ మీదుగా తిరిగి ఆలయానికి చేరుకుంది. భక్తులు అడుగడుగునా కర్పూర హారతులు సమర్పించారు.
భక్తి వ్యాఘ్రం వంటిది. భక్తితో ఏ జీవుడి హృదయం శివునికి వేదికవుతుందో ఆ జీవుడి క్రూరపాపకర్మలు, మదమోహ మాత్సర్యాదులు సంహరించబడతాయి.
అనంతరం అర్చకులు స్నపన తిరుమంజనం నిర్వహించారు. శ్రీ సోమస్కందమూర్తి, శ్రీ కామాక్షిదేవి అమ్మవారికి పాలు, పెరుగు, తేనె, పండ్లరసాలు, చందనంతో విశేషంగా అభిషేకం చేశారు.
ఈ కార్యక్రమంలో ఆలయ డెప్యూటీ ఈఓ శ్రీ దేవేంద్ర బాబు, ఏఈఓ శ్రీ సుబ్బరాజు, సూపరింటెండెంట్ శ్రీ చంద్ర‌శేఖ‌ర్‌, ఆలయ అర్చకులు, ఇత‌ర అధికారులు, విశేషంగా భక్తులు పాల్గొన్నారు.
టీటీడీ ముఖ్య ప్రజాసంబంధాల అధికారిచే విడుదల చేయబడినది.