శ్రీ బేడి ఆంజనేయస్వామివారికి శాస్త్రోక్తంగా ప్రత్యేక అభిషేకం

శ్రీ బేడి ఆంజనేయస్వామివారికి శాస్త్రోక్తంగా ప్రత్యేక అభిషేకం

తిరుమల, 2023 డిసెంబర్ 10: తిరుమల శ్రీవారి ఆలయం ఎదురుగా వెలసివున్న శ్రీ బేడి ఆంజనేయస్వామివారికి ఆదివారం శాస్త్రోక్తంగా ప్రత్యేక అభిషేకం నిర్వహించారు.

కార్తీక మాసం చివరి ఆదివారం సందర్భంగా ప్రతి సంవత్సరం ఆలయంలో ప్రత్యేక అభిషేకం నిర్వహించడం ఆనవాయితీ.

శ్రీ ఆంజనేయ స్వామి ఆలయంలో మూలమూర్తికి ఉదయం పాలు, పెరుగు, తేనె, చందనం, పసుపులతో విశేషంగా అభిషేకం నిర్వహించారు.

ఈ కార్యక్రమంలో టీటీడీ ఈవో శ్రీ ఏవి.ధర్మారెడ్డి, విజివో శ్రీ నంద కిషోర్, పెష్కర్ శ్రీశ్రీహరి, ఇతర అధికారులు, ఆలయ అర్చకులు పాల్గొన్నారు..

టిటిడి ప్రజాసంబంధాల అధికారిచే విడుదల చేయబడినది.