HAMSA VAHANA AT SRI KT _ హంస వాహనంపై శ్రీ కపిలేశ్వరస్వామివారి దర్శనం
Tirupati, 08 February 2026: Hamsa Vahana Seva took place at Sri Kapileswara Swamy temple in Tirupati on Sunday evening as a part of the ongoing annual Brahmotsavam.
Sri Kapileswara Swamy took out a celestial ride atop the divine Swan carrier along the streets and blessed His devotees.
The Temple officials and large number of devotees participated.
ISSUED BY THE CHIEF PUBLIC RELATIONS OFFICER, TTDs TIRUPATI
హంస వాహనంపై శ్రీ కపిలేశ్వరస్వామివారి దర్శనం
తిరుపతి, 2026 ఫిబ్రవరి 08: తిరుపతి శ్రీ కపిలేశ్వరస్వామివారి బ్రహ్మోత్సవాల్లో మొదటి రోజైన ఆదివారం రాత్రి 7 నుండి హంస వాహనంపై శ్రీ కపిలేశ్వరస్వామివారు తిరుపతి పురవీధుల్లో భక్తులకు దర్శనమిచ్చారు. గజరాజులు ముందు నడుస్తుండగా కళాబృందాల కోలాటాలు, భజనల నడుమ వాహనసేవ కోలాహలంగా జరిగింది. భక్తులు అడుగడుగునా కర్పూరహారతులు సమర్పించారు.
ఆది దంపతులైన స్వామి, అమ్మవార్లు హంస మిథునం(దంపతులు)లా గోచరిస్తారు. వారి వల్లనే అష్టాదశ విద్యలు పరిణమించాయి. పాలను, నీటిని వేరు చేసే వివేకం అలవడింది. కపిలాది యోగీశ్వరుల మానస సరస్సులో హంస జంటగా స్వామి, అమ్మవార్లు భక్తులకు దర్శనమిస్తున్నారు.
వాహనాసేవలో ఆలయ సూపరింటెండెంట్ శ్రీ చంద్రశేఖర్, ఆలయ అర్చకులు, ఇతర అధికారులు, విశేష సంఖ్యలో భక్తులు పాల్గొన్నారు.