KALABHAIRAVA HOMAM COMMENCES _ శ్రీ కపిలేశ్వరాలయంలో శాస్త్రక్తంగా శ్రీ కాల‌భైర‌వ హోమం
శ్రీ కపిలేశ్వరాలయంలో శాస్త్రక్తంగా శ్రీ కాల‌భైర‌వ హోమం
తిరుపతి, 2024 నవంబరు 30: తిరుపతి శ్రీ కపిలేశ్వరస్వామివారి ఆలయంలో శనివారం శ్రీ కాల‌భైర‌వ హోమం ఘ‌నంగా జ‌రిగింది.
కార్తీక మాసాన్ని పురస్కరించుకుని ఆలయంలో డిసెంబరు 1వ తేదీ వరకు హోమ మ‌హోత్స‌వాలు నిర్వహిస్తున్న విష‌యం విదిత‌మే.
ఇందులో భాగంగా యాగశాలలో ఉదయం 9 నుండి మధ్యాహ్నం 12 గంటల వరకు పూజ, అష్ట‌భైర‌వ హోమం, మహాపూర్ణాహుతి, కలశ ఉద్వాసన, మ‌హాశాంతి అభిషేకం, శ్రీ కాల‌భైర‌వ మూల‌వ‌ర్ల‌కు క‌ల‌శాభిషేకం, నివేదన, హారతి నిర్వహించారు. సాయంత్రం 6 నుండి 8.30 గంటల వరకు శ్రీ చండికేశ్వరస్వామివారి కలశస్థాపన, పూజ, జ‌పం, హోమం, విశేష దీపారాధన చేపట్టనున్నారు.
డిసెంబరు 1న చండికేశ్వర హోమం :
హోమ మహోత్సవాల్లో చివరి రోజైనా డిసెంబరు 1వ తేదీ చండికేశ్వర హోమం జరుగనుంది.
ఈ కార్యక్రమంలో ఆలయ డెప్యూటీ ఈవో శ్రీ దేవేంద్ర‌బాబు, ఆలయ అర్చకులు, అధికారులు, విశేష సంఖ్యలో భక్తులు పాల్గొన్నారు.
టీటీడీ ముఖ్య ప్రజాసంబంధాల అధికారిచే విడుదల చేయబడినది.