“SUBHAPRADHAM” TO LEAD A MORAL LIFE-TTD CHAIRMAN _ విద్యార్థులకు నైతిక విలువలు నేర్పేందుకే శుభప్రదం : తితిదే పాలకమండలి అధ్యకక్షులు శ్రీ కనుమూరి బాపిరాజు
విద్యార్థులకు నైతిక విలువలు నేర్పేందుకే శుభప్రదం : తితిదే పాలకమండలి అధ్యకక్షులు శ్రీ కనుమూరి బాపిరాజు
తిరుపతి, ఏప్రిల్ 08, 2013: భావి భారత పౌరులైన విద్యార్థులకు నైతిక, మానవీయ విలువలు నేర్పేందుకే శుభప్రదం పేరిట వేసవి శిక్షణ తరగతులు నిర్వహించనున్నట్టు తితిదే పాలకమండలి అధ్యకక్షులు శ్రీ కనుమూరి బాపిరాజు వెల్లడించారు. రాష్ట్రవ్యాప్తంగా శుభప్రదం శిక్షణ కేంద్రాల నిర్వహణపై తిరుపతిలోని శ్వేత భవనంలో సోమవారం అధికారులకు, బోధకులకు అవగాహన కల్పించారు.
ఈ సందర్భంగా తితిదే ఛైర్మన్ మాట్లాడుతూ మే 12 నుండి 18వ తేదీ వరకు నిర్వహించనున్న వేసవి శిక్షణ తరగతులను మహాయజ్ఞంగా భావించి విద్యార్థులను సమాజానికి ఉపయోగపడేలా తీర్చిదిద్దాలన్నారు. బోధకులు చిత్తశుద్ధితో తరగతులు నిర్వహించి స్వామివారి కృపకు పాత్రులు కావాలని కోరారు. స్వామివారి సొమ్ముతో నిర్వహిస్తున్న ఈ తరగతులను విద్యార్థులు సద్వినియోగం చేసుకుని, ధార్మిక సమాజ నిర్మాణానికి పాటు పడాలని పిలుపునిచ్చారు. రాష్ట్రవ్యాప్తంగా 23 జిల్లాల్లోని 35 కేంద్రాల్లో 16 వేల మంది విద్యార్థులు ఈ శిక్షణ తరగతుల్లో పాల్గొననున్నట్టు వివరించారు.
తితిదే కార్యనిర్వహణాధికారి శ్రీ ఎల్వీ సుబ్రమణ్యం ప్రసంగిస్తూ నైతిక విలువలు కరువవుతున్న నేటి సమాజంలో విద్యార్థులకు ఇలాంటి శిక్షణ తరగతుల ఆవశ్యకత ఎంతైనా ఉందన్నారు. మన సంస్కృతి, సంప్రదాయాల్లో వస్తున్న మార్పులను దీటుగా ఎదుర్కోవడానికి ఈ కార్యక్రమం నిర్వహిస్తున్నట్టు తెలిపారు. బోధకులు స్ఫూర్తిదాయకమైన తమ అనుభవాలను విద్యార్థులతో పంచుకోవాలని, అప్పుడే ఈ కార్యక్రమం విజయవంతం అవుతుందని అన్నారు. మారిషస్లో మే 16వ తేదీన ఆ దేశాధ్యకక్షుడు శుభప్రదం కార్యక్రమాన్ని ప్రారంభిస్తారని ఆయన తెలిపారు. ఇందుకోసం తితిదే తరపున బోధకులతోపాటు పుస్తక సామగ్రిని పంపుతున్నామన్నారు.
ఈ కార్యక్రమంలో తితిదే తిరుపతి సంయుక్త కార్యనిర్వహణాధికారి శ్రీ పి.వెంకట్రామిరెడ్డి, ముఖ్య నిఘా మరియు భద్రతాధికారి శ్రీ జివిజి.అశోక్కుమార్, చీఫ్ ఇంజినీర్ శ్రీ చంథ్రేఖర్రెడ్డి, హిందూ ధర్మ ప్రచార పరిషత్ పూర్వ కార్యదర్శి ఆచార్య కసిరెడ్డి వెంకటరెడ్డి, ప్రత్యేకాధికారి శ్రీ ఎస్.రఘునాధ్, అన్ని విభాగాల అధికారులు, శిక్షణ కేంద్రాల బాధ్యులు, బోధకులు పాల్గొన్నారు.
తి.తి.దే., ప్రజాసంబంధాల అధికారిచే జారీ చేయబడినది.