అక్టోబరు 18న రిషికేష్‌లోని శ్రీ వేంకటేశ్వరస్వామివారి ఆలయంలో పవిత్రోత్సవాలు
అక్టోబరు 18న రిషికేష్‌లోని శ్రీ వేంకటేశ్వరస్వామివారి ఆలయంలో పవిత్రోత్సవాలు
తిరుపతి, సెప్టెంబరు 20, 2013: తితిదే పరిధిలోని రిషికేష్‌ ఆంధ్ర ఆశ్రమంలో గల శ్రీ వేంకటేశ్వరస్వామివారి ఆలయంలో అక్టోబరు 18వ తేదీన పవిత్రోత్సవాలు వైభవంగా జరుగనున్నాయి.
వైదిక సంప్రదాయం ప్రకారం జాతాశౌచం, మృతాశౌచం వంటి వేళల్లో ఆలయ ప్రవేశం నిషిద్ధం. అయినా యాత్రీకుల వల్లగానీ, సిబ్బంది వల్ల గానీ తెలిసీతెలియక ఇటువంటి దోషాలు జరుగుతుంటాయి. ఇలాంటి వాటివల్ల ఆలయ పవిత్రతకు ఎలాంటి లోపం రానీయకుండా నివారించేందుకు ప్రతి ఏడాదీ పవిత్రోత్సవాలు నిర్వహించడం ఆనవాయితీ. ఈ పవిత్రోత్సవాలలో ఆలయ శుద్ధి, పుణ్యాహవచనం వంటి కార్యక్రమాలు నిర్వహిస్తారు.
ఈ సందర్భంగా అక్టోబరు 17న అంకురార్పణం, అక్టోబరు 18న ఉదయం స్నపనతిరుమంజనం, మధ్యాహ్నం పవిత్ర ప్రతిష్ఠ, సమర్పణ, యాగశాల వైదిక కార్యక్రమాలు, మహాపూర్ణాహుతి కార్యక్రమాలు నిర్వహిస్తారు. రూ.500/- చెల్లించి ఇద్దరు గృహస్తులు ఈ పవిత్రోత్సవాల ఆర్జిత సేవలో పాల్గొనవచ్చు.
తి.తి.దే., ప్రజాసంబంధాల అధికారిచే జారీ చేయబడినది