GT TEPPOTSAVAMS _ తెప్పపై శ్రీదేవి, భూదేవి స‌మేత శ్రీ గోవిందరాజస్వామివారి క‌టాక్షం
TIRUPATI, 21 FEBRUARY 2024:On the penultimate day evening on Wednesday as a part of the ongoing annual Teppotsavams of Govinda Raja Swamy Temple, Sri Govindaraja along with Sridevi and Bhudevi blessed His devotees on the finely decked float.
Tirumala Chinna Jeeyar Swamy, JEO Sri Veerabrahmam, FACAO Sri Balaji, DyEO Smt Shanti and others, devotees participated.
ISSUED BY THE CHIEF PUBLIC RELATIONS OFFICER, TTD, TIRUPATI
తెప్పపై శ్రీదేవి, భూదేవి స‌మేత శ్రీ గోవిందరాజస్వామివారి క‌టాక్షం
తిరుపతి, 2024 ఫిబ్రవరి 21: తిరుపతి శ్రీ గోవిందరాజస్వామివారి తెప్పోత్సవాల్లో భాగంగా 4వ రోజు బుధ‌వారం సాయంత్రం శ్రీదేవి, భూదేవి సమేతంగా శ్రీ గోవిందరాజస్వామివారు తెప్పలపై విహరించి భక్తులను క‌టాక్షించారు.
ఇందులో భాగంగా ఉదయం 10.30 నుండి 11.30 గంటల వరకు స్వామి, అమ్మవార్లకు స్నపన తిరుమంజనం నిర్వహించారు. ఇందులో పాలు, పెరుగు, తేనె, పసుపు, చందనంలతో అభిషేకం చేశారు. అనంతరం సాయంత్రం 6.30 నుండి రాత్రి 8 గంటల వరకు శ్రీదేవి, భూదేవి సమేతంగా శ్రీ గోవిందరాజస్వామివారు తెప్పపై విహరించి భక్తులకు కనువిందు చేశారు. అనంతరం ఆలయ నాలుగు మాడ వీధుల్లో ఊరేగి భక్తులను అనుగ్రహించారు.
తెప్పలను అధిరోహించిన స్వామి, అమ్మ‌వార్లు పుష్కరిణిలో మొత్తం ఏడు చుట్లు తిరిగి భక్తులకు అభయమిచ్చారు.
ఈ సందర్భంగా టీటీడీ హిందూ ధర్మప్రచార పరిషత్‌, అన్నమాచార్య ప్రాజెక్టు ఆధ్వర్యంలో భజనలు, హరికథ, సంగీత కార్యక్రమాలు నిర్వహించారు.
ఈ కార్యక్రమంలో తిరుమ‌ల శ్రీ‌శ్రీ‌శ్రీ చిన్న జీయ‌ర్ స్వామి, జేఈవో శ్రీ వీరబ్రహ్మం, ఎఫ్ ఎ అండ్ సీఏవో శ్రీ బాలాజీ, ఆలయ డెప్యూటీ ఈవో శ్రీమ‌తి శాంతి, ఏఈవో శ్రీ మునిక్రిష్ణారెడ్డి, సూపరింటెండెంట్‌ శ్రీ మోహ‌న్‌రావు, టెంపుల్ ఇన్స్పెక్టర్ శ్రీ ధనంజయ, విశేష సంఖ్య‌లో భ‌క్తులు పాల్గొన్నారు.
టీటీడీ ముఖ్య ప్రజాసంబంధాల అధికారిచే జారీ చేయబడినది.