TIRUPATI TO SHINE WITH ILLUMINATIONS FOR SRIVARI NAVARATRI BRAHMOTSAVAMS _ శ్రీవారి బ్రహ్మోత్సవాలకు విద్యుత్ కాంతులతో తిరుపతి సుందర శోభ
SPECIAL DECORATIONS ACROSS 17 CIRCLES, 14 ROADS, 20 ARCHES AND 8 PARKING AREAS
Tirupati | October 09, 2026: TTD is making elaborate arrangements to illuminate Tirupati for the Srivari Navaratri Brahmotsavams at Tirumala from October 12 to 20.
Reviewing the arrangements through a Zoom meeting on Friday, TTD JEO Dr. A. Sarat directed officials to ensure adequate facilities for the expected increase in pilgrim arrivals during the festival holidays.
Special electrical decorations will be arranged at TTD temples and buildings, major junctions including Garuda Circle and Nandi Circle, and roads leading from Tirupati to Alipiri. LED arches, display boards and floodlights will be installed at key locations and parking areas.
The JEO also instructed officials to ensure proper parking, sanitation, medical services, drinking water, toilets, Annaprasadam, security, public address systems and signboards. He stressed coordination among all departments to ensure a smooth and comfortable pilgrimage.
TTD CE Sri Manoharam, VGO Sri Giridhar, Annaprasadam Deputy EO Sri Selvam, Additional Health Officer Dr. Sunil Kumar, DE Sri Ravishankar Reddy and other officials participated in the meeting.
ISSUED BY THE TTD CHIEF PUBLIC RELATIONS OFFICER
శ్రీవారి బ్రహ్మోత్సవాలకు విద్యుత్ కాంతులతో తిరుపతి సుందర శోభ
టిటిడి ఆలయాలు, భవనాలతో పాటు 17 సర్కిళ్లు, 14 రోడ్లకు ప్రత్యేక అలంకరణలు
భక్తుల రద్దీకి అనుగుణంగా పటిష్ట ఏర్పాట్లు – టిటిడి జేఈవో డా. ఎ. శరత్
తిరుపతి | అక్టోబర్ 09, 2026: తిరుమల శ్రీవారి నవరాత్రి బ్రహ్మోత్సవాలు అక్టోబర్ 12 నుంచి 20వ తేదీ వరకు జరగనున్న నేపథ్యంలో తిరుపతి నగరాన్ని విద్యుత్ కాంతులతో సుందరంగా అలంకరించేందుకు టిటిడి విస్తృత ఏర్పాట్లు చేపట్టింది. భక్తులకు ఆహ్లాదకర వాతావరణం కల్పించడంతో పాటు, రద్దీకి అనుగుణంగా అన్ని సౌకర్యాలు సిద్ధం చేయాలని టిటిడి జేఈవో డా. ఎ. శరత్ అధికారులను ఆదేశించారు. బ్రహ్మోత్సవాల ఏర్పాట్లపై శుక్రవారం ఉదయం టిటిడి జేఈవో (హెచ్ అండ్ ఈ) శ్రీ ప్రభల గోపినాథ్‌తో కలిసి అధికారులతో జూమ్ సమావేశం నిర్వహించి సమీక్షించారు.
ఈ సందర్భంగా జేఈవో మాట్లాడుతూ, వరుస సెలవుల నేపథ్యంలో భక్తుల రద్దీ పెరిగే అవకాశం ఉన్నందున ముందస్తు ప్రణాళికతో ఏర్పాట్లు పూర్తి చేయాలన్నారు. హోల్డింగ్ పాయింట్లు, పార్కింగ్, పారిశుద్ధ్యం, వైద్య సేవలు, మరుగుదొడ్లు, విద్యుత్ అలంకరణలు, అన్నప్రసాదాలు, ఫ్లెక్సీలు, సుందరీకరణ, భద్రత, పబ్లిక్ అడ్రస్ సిస్టం, సూచిక బోర్డులు తదితర 13 అంశాలపై ప్రత్యేక దృష్టి సారించాలని సూచించారు. భక్తులకు ఎలాంటి ఇబ్బందులు కలగకుండా అన్ని విభాగాలు సమన్వయంతో పనిచేయాలని ఆదేశించారు.
టిటిడి ఆలయాలు, భవనాలు, 17 సర్కిళ్లు.. 14 రోడ్లకు విద్యుత్ శోభ
తిరుపతిలోని టిటిడి ఆలయాలు, భవనాలతోపాటు 17 సర్కిళ్లు, 14 ప్రధాన రోడ్లు, 20 ఆర్చ్ లు, 8 పార్కింగ్ ప్రాంతాల్లో ఆకట్టుకునేలా విద్యుత్ అలంకరణలు చేపట్టాలని జేఈవో సూచించారు.
ముఖ్యంగా గరుడ సర్కిల్, నంది సర్కిల్ తదితర కూడళ్లతో పాటు తిరుపతి నుంచి అలిపిరికి వెళ్లే రహదారులను విద్యుత్ కాంతులతో అందంగా తీర్చిదిద్దాలని ఆదేశించారు. టిటిడి పరిపాలనా భవనం, శ్రీనివాసం, విష్ణునివాసం, మాధవం, లగేజ్ కౌంటర్ తదితర ప్రాంతాల్లో ప్రత్యేక విద్యుత్ అలంకరణలు ఏర్పాటు చేయాలన్నారు.
ఎల్‌ఈడీ తోరణాలు.. పార్కింగ్‌లో ఫ్లడ్‌లైట్లు
ప్రధాన ప్రాంతాల్లో ఎల్‌ఈడీ తోరణాలు, ఆకర్షణీయమైన డిజైన్లు, ఎల్‌ఈడీ బోర్డులు ఏర్పాటు చేయాలని తెలిపారు. పార్కింగ్ ప్రాంతాల్లో తగిన వెలుతురు కోసం ఫ్లడ్‌లైట్లు ఏర్పాటు చేయడంతో పాటు, భక్తులకు అవసరమైన సమాచారం అందించేందుకు పబ్లిక్ అడ్రస్ సిస్టం, సూచిక బోర్డులు అందుబాటులో ఉంచాలన్నారు. ప్రధాన కూడళ్లలో బ్రహ్మోత్సవాల తొమ్మిది రోజుల పాటు ఎల్‌ఈడీ బోర్డులు ఏర్పాటు చేయాలని సూచించారు.
భక్తుల రాకపోకలు సజావుగా సాగేందుకు, పార్కింగ్ ప్రాంతాల్లో తగిన సౌకర్యాలు కల్పించేందుకు సంబంధిత అధికారులు ముందస్తు చర్యలు తీసుకోవాలని జేఈవో స్పష్టం చేశారు.
ఈ సమావేశంలో టిటిడి సీఈ శ్రీ మనోహరం, వీజీవో శ్రీ గిరిధర్, అన్నప్రసాదం డిప్యూటీ ఈవో శ్రీ సెల్వం, అదనపు ఆరోగ్యశాఖ అధికారి డా. సునీల్ కుమార్, డీఈ శ్రీ రవిశంకర్ రెడ్డి తదితర అధికారులు పాల్గొన్నారు.