SRI KRISHNA AND SRI ANDAL AMMAVARU RIDES ON FLOAT _ తెప్పపై ఆండాళ్‌ సమేత శ్రీకృష్ణస్వామివారి విహారం
Tirupati, 5 Feb. 20: On the fourth day of the ongoing annual Teppotsavams of Sri Govindaraja Swamy Temple, the utsav idols of Sri Krishna Swamy and Sri Andal Ammavaru were taken on a celestial ride on finely decorated float and blessed the devotees on Wednesday evening.
The artists of TTDs HDPP, Annamacharya Project presented bhajans, Harikatha and Bhakti sangeet programs on all days.
Sri Sri Sri Pedda Jeeyar and Sri Sri Sri Chinna Jeeyar, TTD EO Sri Anil Kumar Singhal, Special grade DyEO Smt Varalakshmi, AEO Sri Ravikumar Reddy, Superintendents Sri Raj Kumar and temple inspectors Sri Krishna Murthy and Sri Munindra Babu and large number of devotees participated.
ISSUED BY THE PUBLIC RELATIONS OFFICER TTDs, TIRUPATI
తెప్పపై ఆండాళ్‌ సమేత శ్రీకృష్ణస్వామివారి విహారం
తిరుపతి, 2020 ఫిబ్రవరి 05: తిరుపతిలోని శ్రీ గోవిందరాజస్వామివారి తెప్పోత్సవాల్లో భాగంగా నాలుగోరోజు బుధ‌వారం సాయంత్రం ఆండాళ్‌ సమేత శ్రీకృష్ణస్వామివారు తెప్పలపై విహరించి భక్తులకు అభయమిచ్చారు. ఈ సందర్భంగా ఆలయంలో ప్రత్యేక కార్యక్రమాలు నిర్వహించారు.
ఇందులో భాగంగా ఉదయం 10.30 నుండి 11.30 గంటల వరకు స్వామి, అమ్మవార్లకు స్నపన తిరుమంజనం నిర్వహించారు. ఇందులో పాలు, పెరుగు, తేనె, పసుపు, చందనంలతో అభిషేకం చేశారు. అనంతరం సాయంత్రం 6.00 నుండి రాత్రి 8.00 గంటల వరకు ఆండాళ్‌ సమేత శ్రీకృష్ణస్వామివారు తెప్పపై విహరించి భక్తులకు కనువిందు చేశారు. అనంతరం ఆలయ నాలుగు మాడ వీధుల్లో ఊరేగి భక్తులను అనుగ్రహించనున్నారు.
కాగా గురువారం నుండి శ‌నివారం వరకు శ్రీ గోవిందరాజస్వామివారు శ్రీదేవి, భూదేవి అమ్మవార్లతో కలిసి తెప్పపై ఏడు చుట్లు చుట్టి భక్తులకు కనువిందు చేస్తారు.
ఈ సందర్భంగా టిటిడి హిందూ ధర్మప్రచార పరిషత్‌, అన్నమాచార్య ప్రాజెక్టు ఆధ్వర్యంలో భజనలు, హరికథ, సంగీత కార్యక్రమాలు నిర్వహించనున్నారు.
ఈ కార్యక్రమంలో శ్రీ‌శ్రీ‌శ్రీ పెద్ద జీయ్య‌ర్‌స్వామి, శ్రీ‌శ్రీ‌శ్రీ చిన్న జీయ్య‌ర్ స్వామి, ఆలయ డెప్యూటీ ఈవో శ్రీమతి వరలక్ష్మి, ఏఈవో శ్రీ ర‌వికుమార్‌రెడ్డి, సూపరింటెండెంట్లు శ్రీ శ‌ర్మ, శ్రీ రాజ్‌కుమార్‌, టెంపుల్‌ ఇన్‌స్పెక్టర్లు శ్రీ కృష్ణమూర్తి, శ్రీ మునీంద్ర‌బాబు, ఇతర అధికారులు, విశేష సంఖ్యలో భక్తులు పాల్గొన్నారు.
తి.తి.దే., ప్రజాసంబంధాల అధికారిచే జారీ చేయబడినది.