TEN STATES EXHIBIT RHYTHMIC DANCING MOVES BRAVING RAINS _ చంద్రప్రభ వాహనసేవలో కళా వైభవం
Tirumala, 21 September 2026: On the rainy Monday evening, ten states comprising 564 artistes belonging to 22 troupes performed in front of Chandraprabha Vahanam at Tirumala.
Braving the rains, the artistes from various states showcased their talented dancing moves much to the amusement of devotees.
Besides south indian states, artistes from Jharkhand, Uttarakhand, UP, Gujrat, Sikkim, Maharashtra mesmerized the devotees with their rhythmic dance moves.
ISSUED BY THE TTD CHIEF PUBLIC RELATIONS OFFICER
చంద్రప్రభ వాహనసేవలో కళా వైభవం
10 రాష్ట్రాల నుంచి 22 కళాబృందాలు.. 589 మంది కళాకారుల ప్రదర్శనలు
తిరుమల, 2026 సెప్టెంబరు 21: తిరుమల శ్రీవారి సాలకట్ల బ్రహ్మోత్సవాల్లో ఏడవ రోజైన సోమవారం రాత్రి జరిగిన చంద్రప్రభ వాహనసేవలో మురళీకృష్ణుడి అలంకారంలో శ్రీ మలయప్పస్వామివారు భక్తులకు దర్శనమిచ్చారు.
స్వామివారి దివ్య మంగళరూపాన్ని దర్శించేందుకు తరలివచ్చిన భక్తులను దేశంలోని వివిధ ప్రాంతాల కళాకారులు తమ సంప్రదాయ నృత్య, సంగీత, జానపద కళారూపాలతో అలరించారు.
ఆంధ్రప్రదేశ్, తెలంగాణ, తమిళనాడు, జార్ఖండ్, మహారాష్ట్ర, కర్ణాటక, ఉత్తరప్రదేశ్, ఉత్తరాఖండ్, సిక్కిం, గుజరాత్ రాష్ట్రాలకు చెందిన 22 కళాబృందాలు, 589 మంది కళాకారులు ఈ వాహనసేవలో పాల్గొన్నారు.
భరతనాట్యం, కూచిపూడి, కోలాటం, నెమలినాట్యం, శ్రీకృష్ణ లీలలు, కోయ నృత్యం, కథక్, లెజుమ్, రాయ్ చంద్, తిప్పని హూడో, కీలుగుర్రాలు తదితర కళారూపాలు భక్తులను విశేషంగా ఆకట్టుకున్నాయి.
కర్ణాటక కళాకారులు పురందరదాసుల దేవరనామాలతో భక్తిభావాన్ని పంచగా, మంత్రాలయం శ్రీ రాఘవేంద్ర స్వామి మఠం కళాకారులు భజనలు నిర్వహించారు.
మచిలీపట్నం కళాకారులు శ్రీవేంకటేశ్వర వైభవం నృత్యరూపకాన్ని ప్రదర్శించారు.
టీటీడీ ఈవో సన్మానం చేసిన కళాబృందాలు
• హిందూ ధర్మ ప్రచార పరిషత్ – ఉత్తరాఖండ్
శ్రీమతి స్వాతి జగ్గీ బృందం – నందా రాజ్ జాతర యాత్ర – 15 మంది
• దాస సాహిత్య ప్రాజెక్టు – గుజరాత్
శ్రీ తేజస్ యాదవ్ బృందం – గర్బా జానపద నృత్యం – 24 మంది
• ఎస్వీ సంగీత, నృత్య కళాశాల – తిరుపతి
శ్రీ సి. హరనాథ్ బృందం – భరతనాట్యం – 25 మంది
• అన్నమాచార్య ప్రాజెక్టు – కడప
శ్రీ బాబు బృందం – డ్రమ్స్ ప్రదర్శన – 16 మంది
వివిధ రాష్ట్రాల కళాకారులు తమ సంప్రదాయ కళారూపాల ద్వారా శ్రీవారిపై భక్తిని చాటడంతోపాటు భారతీయ సంస్కృతి, సనాతన సంప్రదాయాల వైభవాన్ని ఆవిష్కరించారు. చంద్రప్రభ వాహనసేవను తిలకించిన భక్తులు కళాబృందాల ప్రదర్శనలను ఆసక్తిగా వీక్షించి ఆనందించారు.