DEVOTIONAL MUSIC AND DANCE ENRICH NAVARATRI BRAHMOTSAVAMS _ నవరాత్రి బ్రహ్మోత్సవాల్లో భక్తి సంగీత, నృత్య వైభవం
Tirupati, October 14, 2026 ; Various venues in Tirupati resonated with devotional music, dance and cultural performances on Wednesday as part of Srivari Navaratri Brahmotsavams.
Devotional songs and Annamacharya Sankirtanas at Annamacharya Kalamandiram, the mythological drama Srinivasa Kalyanam at Mahati, and Dolu music and Bharatanatyam at Sri Kodandarama Chandra Pushkarini captivated devotees and art lovers.
ISSUED BY THE TTD CHIEF PUBLIC RELATIONS OFFICER
-
- oplus_18
-
- oplus_18
-
- oplus_0
నవరాత్రి బ్రహ్మోత్సవాల్లో భక్తి సంగీత, నృత్య వైభవం
అన్నమాచార్య కళామందిరం, మహతి, కోదండరామచంద్ర పుష్కరిణి వద్ద అలరించిన ఆధ్యాత్మిక, సాంస్కృతిక కార్యక్రమాలు
తిరుపతి, అక్టోబరు 14, 2026 ; తిరుమల శ్రీవారి నవరాత్రి బ్రహ్మోత్సవాల్లో భాగంగా బుధవారం తిరుపతిలోని వివిధ వేదికలపై నిర్వహించిన భక్తి సంగీతం, పౌరాణిక నాటకం, సంప్రదాయ నృత్య ప్రదర్శనలు భక్తులను, కళాభిమానులను విశేషంగా ఆకట్టుకున్నాయి.
అన్నమాచార్య కళామందిరంలో భక్తి కీర్తనల ఆలాపన
టీటీడీ హిందూ ధర్మప్రచార పరిషత్ ఆధ్వర్యంలో నిర్వహించిన సంగీత కార్యక్రమంలో డాక్టర్ ఎ. కోదండరామయ్య గాత్రంతో, ఆర్. కల్యాణ్ కుమార్ కీబోర్డ్, బి. మంజునాథ్ తబలా సహకారంతో భక్తి కీర్తనలు ఆలపించారు. గణేశ స్తుతి, రామదాసు కీర్తనలు, యోగి నారాయణ యతీంద్రుల తరంగిణి, అన్నమయ్య సంకీర్తనలు భక్తులను భక్తిరసంలో ముంచెత్తాయి.
మహతిలో అలరించిన ‘శ్రీనివాస కల్యాణం’
మహతిలో టీటీడీ ఎంప్లాయీస్ అండ్ పిలిగ్రిమ్స్ సర్వీస్ బృందం ప్రదర్శించిన ‘శ్రీనివాస కల్యాణం’ పౌరాణిక నాటకం ప్రేక్షకులను ఆకట్టుకుంది. నారదుని ఆగమనంతో ప్రారంభమైన ఈ నాటకంలో శ్రీవారి కల్యాణ ఘట్టాలను కళాకారులు అద్భుతంగా ప్రదర్శించారు.
ఈ కార్యక్రమాన్ని ధర్మప్రచార పరిషత్ ఏఈవో శ్రీ చతుర్వేదుల సత్యనారాయణ, సప్తగిరి మాసపత్రిక సీనియర్ ఉపసంపాదకురాలు డాక్టర్ అల్లాడి సంధ్య, సప్తగిరి విశ్రాంత చీఫ్ ఎడిటర్ శ్రీ సి. శైలకుమార్ తదితరులు వీక్షించారు.
కోదండరామచంద్ర పుష్కరిణి వద్ద నృత్య ప్రదర్శనలు
శ్రీ కోదండరామచంద్ర పుష్కరిణి వద్ద టీటీడీ ఎస్వీసీఎండీ ఆధ్వర్యంలో డోలు వాయిద్య, భరతనాట్య ప్రదర్శనలు నిర్వహించారు. శ్రీ ఎం. బాలాజీ బృందం డోలు, వయోలిన్, తాళం, సన్నాయి వాయిద్యాలతో సంగీత విభావరి అందించింది.
అనంతరం తిరుపతి సంగీత కళాశాలకు చెందిన శ్రీ శరత్ చంద్ర శిష్య బృందం భక్తి గీతాలు, అన్నమయ్య సంకీర్తనలు, త్యాగరాజ కీర్తనలకు భరతనాట్య ప్రదర్శనలు ఇచ్చింది. ‘నగుమోము గనలేని’, ‘గరుడ గమన’, ‘లక్ష్మీనరసింహస్వామి’, ‘మహాలక్ష్మి’, ‘శ్రీమన్నారాయణ’, ‘ఒకపరి కొకపరి’ తదితర గీతాలకు చేసిన నృత్యాలు విశేషంగా అలరించాయి.
భక్తి.. సంగీతం.. సంప్రదాయ కళల సమ్మేళనం
శ్రీవారి నవరాత్రి బ్రహ్మోత్సవాల సందర్భంగా నిర్వహించిన ఈ కార్యక్రమాలు భక్తి, సంగీతం, నృత్యకళల సమ్మేళనంగా నిలిచాయి. భక్తి కీర్తనలు, పౌరాణిక ఘట్టాలు, సంప్రదాయ కళారూపాలతో తిరుపతిలో ఆధ్యాత్మిక వాతావరణం వెల్లివిరిసింది.
టీటీడీ ముఖ్య ప్రజాసంబంధాల అధికారిచే విడుదల చేయబడినది.